जापानमा बस्ने नेपाली साथिहरु सबै सकुसल नै होला भनि आसा गरेको छु । शुक्रबारको भुइचालो देखि जापानमा रहेका धेरै नेपालीहरु तितरबितर भएको महसुस भएको छ । शुक्रबारको ठुलो भुइचालो पछि क्षण क्षणमा आइरहेको कम्पनले सबैलाई झस्काइ रहेको छ । भुकम्पबिदहरुको अनुसार एकहप्ता देखि १५ दिन सम्म यो प्रक्रिया चलीरहने छ । ट्रेनहरु चलेको छैन । बस पनि खासै चलेको छैन । खान्तोउ एरियामा लोडसेदिङ हुँदैछ रे । कति ठाउँमा पानी पनि आएको छैन रे । सरकारीले सार्वजनिक स्कुल पार्कमा सिबिरको ब्यबस्था गरेको छ । त्यहा मलाइ झन सुरक्षित त लागेन । ठुलो भुइचालो आयो भने झन मान्छेले मान्छेलाई कुल्चिएर अकालमा ज्यान जना सक्छ । बाहिर हिंड्न उचित नहोला कुनैपनि बेलाको भुइचालोले गगनचुम्बी भबन ढाली दियो भने त्यसले किचिन सक्छ । माथिल्लो तल्लातिर बस्ने साथीहरुले केही दिनको लागि आफ्नो कोहि साथी जसको एक तलले घरमा कोठा छ त्यहा बास मागी सर्दा राम्रो हुन्छ । भुइचालो लामो भयो भने ओसीइरेमा छिर्दा सुरक्षित हुन्छ । अथवा ओफुरोमा पसेर माथि ढकनी लगाएर बस्नु होला । जापानको घर भुइचालोले नभत्किए पनि ग्यास चुहिएर आगो लाग्न सक्छ । होसियार हुनु होला । समुन्द्रबाट ५ किलो मिटर छेउ तिर बस्ने साथीहरु अन्यत्र साथीहरुको कोठामा जापान सरकारले ब्यबस्था गरेको सिबिरमा सरणमा जानु होला। आफु बस्ने ठाउँ सके सम्म एकान्त रोज्नु होला भिडभाडको ठाउँ र बच्चाहरु धेरै भएको ठाउँ नरोज्नु होला। केही बिपती आएको खण्डमा आफुले सकेको सहयोग गरिदिनु होला । प्राय होटेलहरुमा अहिले कोठाहरु पाउदैन । रेडियो टि.भी बाट खतरामुक्त भयो भने मात्र बाहिर निस्कनु होला । भुइचालो आउना साथ् पहिले ग्यास निभाएर दराज वा सौचालय खाट मुनी लुक्नु होला । अहिले जापानका प्राय मान्छेहरु स्कुल ,नगरपालिकाको कार्यालय , ब्यायम सेन्टरहरुमा बसेर आफ्नो सुरुक्षा गरिरहेका छन् । भगवानले चाडै भन्दा चाडै यो खतराबाट मुक्ती दिलाओस ।
जापानको अहिलेको संकटकालमा कसैलाई पनि संपर्क बिहिन नहोस् भनेर जापान देश भरीका सार्वजनिक फोनबाट निशुल्क फोनगर्न सकिने ब्यबस्था गरिएको छ ।
बिशेष गरि सोमबारको दिन मास्क लगाएर हिड्नु होला । बिषादी हावा आउछ भने अघि एफ.एम मा भन्दै थियो । मलाई लेख्न आउदैन ।
